<?xml version="1.0" encoding="UTF-8"?><song><lyrics>[V1]
 Ry fanahy ory,
 Azon'ny manjo !
 Be ny mampahory,
 Aza rera-po ;
 Feo mamelovelo
 Mba henoy izao,
 Aza malahelo,
 Jeso havanao.

[V2]
 Aza mba misento
 Na mamoy fo,
 Raha mbola eto,
 Misy ny manjo ;
 Nefa Jeso tia
 Tsy mandao anao,
 Ka mba matokia,
 Jeso havanao.

[V3]
 Namanao mahantra
 'Ndeha, ilazao,
 Jeso be fiantra
 No Mpamonjy izao ;
 Izy Tompo tia
 Ka mandray anao,
 Dia mifalia,
 Jeso havanao.</lyrics>
<title>Ry fanahy ory FFPM568</title>
<hymn_number>568</hymn_number>
</song>